ਇਬਾਦਤ

ਉਸ ਇਕ ਇਕ ਪਲ ਦੀ ਯਾਦ,
ਜਦ ਵੀ ਮਨ ਵਿਚ ਆਓਂਦੀ ਹੈ |
ਮੇਰੇ ਇਸ ਮਨ ਦੀ ਮੀਰਾ,
ਇਕ ਹੀ ਨਾਮ ਧਿਆਓਂਦੀ ਹੈ |
ਫਿਰ ਉਸ ਨਾਮ ਦੀ ਹਰ ਲੈ ਮਿਲਕੇ,
ਇਕ ਮੰਦਿਰ ਜਿਹਾ ਬਣਾਓਂਦੀ ਹੈ |
ਉਸ ਮਨ ਮੰਦਿਰ ਦੀ ਹਰ ਦਿਸ਼ਾ 'ਚੋਂ,
ਤਦ ਏਹੋ ਆਵਾਜ਼ ਆਓਂਦੀ ਹੈ |

ਇਸ ਦਿਲ ਦੇ ਕੋਰੇ ਕਾਗਜ਼ ਤੇ,
ਇਕ ਹਰਫ਼ ਰਸੀਦੀ ਕਰ ਦਿੱਤਾ |
ਮੈਂ ਆਪਣੀ ਹਰ ਕਵਿਤਾ ਵਿਚ,
ਤੇਰਾ ਨਾਮ ਹੈ ਭਰ ਦਿੱਤਾ |
ਆਪਣੀ ਹਰ ਇਕ ਖੁਸ਼ੀ ਨੂੰ,
ਅੱਜ ਤੇਰੇ ਆਂਚਲ ਕ਼ਰ ਦਿੱਤਾ |
ਅਪਨਾ ਕੇ ਹਰ ਇਕ ਗਮ ਤਿਰਾ,
ਅਖੀਆਂ ਵਿਚ ਹੈ ਭਰ ਲੀਤਾ|
ਕੇ ਮੈਂ ਆਪਣਾ ਆਪ ਵੀ,
ਤੈਨੂ ਹੀ ਸਮਰਪਿਤ ਕਰ ਦਿੱਤਾ |