ਜਿੰਦਗੀ ਪਲ ਪਲ

ਪਲ ਵਿਚ ਤੋਲਾ, ਪਲ ਵਿਚ  ਮਾਸਾ, ਜਿੰਦਗੀ ਤੇਰਾ ਕੀ ਭਰਵਾਸਾ,
ਇਹ ਕੀ ਜਾਣੇ ਬੰਦਾ ਕੋਈ, ਕਦ ਫੜਾ ਦਏਂ ਹਥ ਵਿਚ ਕਾਸਾ |

ਪਲ-ਪਲ ਐਵੇਂ ਖੁਰਦੀ ਜਾਵੇਂ, ਪਾਣੀ ਦੇ ਵਿਚ ਜਿਵੇਂ ਪ੍ਤਾਸ਼ਾ,
ਇਹ ਕੀ ਜਾਣੇ ਬੰਦਾ ਕੋਈ, ਕਦ ਹੋ ਜਾਏ ਓਹ ਪਰਵਾਸਾ |

ਕਦੇ ਤੂ ਚੁਮ੍ਦੀ ਬਣ ਕੇ ਰਾਣੀ, ਕਦੇ ਤੂੰ ਕਰਦੀ ਖੇਲ ਤਮਾਸ਼ਾ,
ਇਹ ਕੀ ਜਾਣੇ ਬੰਦਾ ਕੋਈ, ਕਦ ਤੂੰ ਖੋਹ ਲਏਂ ਉਸਦਾ ਹਾਸਾ |

ਭਰਕੇ ਵੇਹੜਾ ਖੁਸ਼ੀਆਂ ਦਾ ਤੂੰ, ਫੇਰ ਤੂੰ ਪਾਉਂਦੀ ਮੀਂਹ ਚੁਮਾਸਾ,
ਇਹ ਕੀ ਜਾਣੇ ਬੰਦਾ ਕੋਈ, ਕਦ ਤੂੰ ਦੇ ਜਾਏਂ ਓਹਨੁ ਝਾਂਸਾ |

ਕਿਸੇ ਦੇ ਦਿਲ ਨੂੰ ਦੇਂਦੀ ਡੋਬਾ, ਕਿਸੇ ਵਿਰਾਉਂਦੀ ਦੇ ਧਰਵਾਸਾ,
ਇਹ ਕੀ ਜਾਣੇ ਬੰਦਾ ਕੋਈ, ਕੇਹੜੇ ਦਿਲ ਵਿਚ ਤੇਰਾ ਵਾਸਾ |